az en

Dövlət əmlaklarının özəlləşdirilməsi üzrə növbəti hərrac keçirilib

Dekabrın 24-ü dövlət əmlaklarının özəlləşdirilməsi üzrə növbəti hərrac keçirilib. Budəfəki hərracda özəlləşdirilən dövlət əmlakları buraxılış tarixi 2001-2009-cu illər olan nəqliyyat vasitələridir. Hyundai, QAZ, BMW, Fiat markalarına aid avtomobillər hərracda 1500 manat ilə 10 min manat arasında olan qiymətlərə özəlləşdirilib.

Növbəti hərraclara çıxarılan hər bir dövlət əmlakı ilə tanış olmaq və sifariş vermək istəyən şəxslər rəsmi sayta (emdk.gov.az) və ya Özəlləşdirmə portalına (privatization.az) daxil ola bilər. Sifarişçilərlə yanaşı, hərraca marağı olan digər şəxslər də özəlləşməyə onlayn qoşula bilər. Bunun üçün e-emdk.gov.az portalında “Elektron hərrac” bölməsinə daxil olmaq kifayətdir.

Növbəti hərrac rəqabətli olub

İqtisadiyyatda özəl sferanın xüsusi çəkisini artırmağa imkan verən, özəlləşmə prosesinin sürətlənməsini təmin edən hərraclar davam etdirilir. Bu hərraclarda iştirak edən hər bir sərmayəçi biznes layihələrinə uyğun olaraq özəlləşdirilməyə çıxarılan müxtəlif çeşidli əmlak üzrə seçim imkanı qazanır.

Növbəti hərrac 26 noyabr tarixində keçirilib. Hərracda Bərdə Dəmir Beton-9 ASC-nin 30 faizlik səhm paketi özəlləşdirilib. Tikinti sahəsində aid olan bu müəssisənin fəaliyyətinin genişləndirilməsi ilə səhmdarlar yüksək gəlir əldə edə bilərlər. Adı çəkilən Açıq Səhmdar Cəmiyyətinin nizamnamə kapitalı 203 min 509 manatdır.

Noyabrın ilk hərracı üçün onlayn seçim və sifariş artıq başlayıb: 83 dövlət əmlakı özəlləşmədə

Əmlak Məsələləri Dövlət Komitəsi tərəfindən təşkil edilən növbəti özəlləşdirmə hərracına onlayn seçim və sifariş artıq başlayıb. Noyabrın 5-i baş tutacaq bu hərracda investorların, iş adamlarının, vətəndaşların ümumilikdə 83 dövlət əmlakı üzrə seçim imkanı var. Elektron xidmətlərin tətbiqi ilə hər kəs komitənin onlayn resursları vasitəsilə dövlət əmlakları üzrə seçim edərək, vaxt itirmədən elektron sifariş verə bilər. Elektron hərrac sistemi ilə sifarişçilər seçdikləri dövlət əmlakının hərracına əlavə ünvana getmədən, elə internet üzərindən qoşula bilər. Komitənin keçirdiyi açıq özəlləşdirmə hərracları iştirakçı məmnuniyyətini təmin edir, şəffaflığı artırır. Bu istiqamətdə əsas hədəf vətəndaşları yalnız keyfiyyətli və rahat hərrac xidmətləri ilə təmin etməkdir.

Noyabrın ilk hərracına çıxarılan dövlət əmlaklarına müxtəlif regionlarda yerləşən kiçik dövlət müəssisələri, qeyri-yaşayış sahələri, yarımçıq tikililər aiddir. Bu dövlət əmlaklarının ümumi faydalı sahəsi 12.2 kv.m ilə 2997 kv.m arasındadır. Fərqli iqtisadi sahələr üzrə fəaliyyət potensialı olan kiçik dövlət müəssisələrinə əmlak kompleksləri, ticarət, istehsal, xidmət obyektləri və digər əmlaklar aiddir. Elan edilən bu hərracda ən yüksək ümumi faydalı sahəsi olan müəssisə Balakən şəhəri, 28 May küçəsindəki əmlak kompleksidir. Dövlət obyekti 95 min kv.m-ə yaxın torpaq sahəsi ilə birgə hərraca çıxarılıb.

Özəlləşdirmədən daxilolmalar 110% icra olunub

Dövlət əmlaklarının özəlləşdirilməsində yeniliklər, iştirak üçün rahat və müasir imkanlar bu sahəyə marağı yüksəldir. Özəlləşdirmənin sürətləndirilməsi və investisiyaların cəlb edilməsi ilə bağlı görülən işlər nəticəsində bu istiqamətdə büdcə daxilolmalarının məbləği artmaqdadır. 2019-cu ilin 11 ayı ərzində dövlət əmlaklarının özəlləşdirilməsi üzrə daxilolmalar 110% icra olunub. Belə ki, dövlət əmlaklarının özəlləşdirilməsi üzrə proqnoz 80 milyon manat olsa da, yanvar-noyabr ayları ərzində bu xətt üzrə dövlət büdcəsinə 87.6 milyon manat vəsait daxil olub.

Növbəti özəlləşdirmə hərracı 18 avqust tarixində keçiriləcək

“Koronavirus (COVID-19) pandemiyası ilə əlaqədar fasilə verilən özəlləşdirmə hərracları yenidən keçiriləcək.  Əmlak Məsələləri Dövlət Xidməti tərəfindən növbəti hərrac 18 avqust tarixində təşkil ediləcək. Hərraca ümumilikdə 35 dövlət əmlakı çıxarılıb. Bunlardan 34-ü kiçik dövlət müəssisəsi, 1-i isə yarımçıq tikilidir. Hərraca çıxarılan əmlakların tam siyahısı ilə burada tanış ola bilərsiniz:
(https://bit.ly/2BdUC96).

Partnyorlar

asan.jpgazpromo.jpgbank.jpgemdk.jpggomruk.jpgiqdisadi.jpgprezident.jpgsahibkar.jpgstatistika.jpgvergi.jpg